Ĝisdatigo: Finiĝis la periodo por kandidatiĝi al la stipendio "Partoprenu FAJRO-n 2024."

Not very proficient in Esperanto yet? Click the button below to read the following information in English.

Ĉu vi volas partopreni en FAJRO 2024 sed loĝas ekster la Nacia Ĉefurba Regiono (NCR) aŭ spertas malfacilan financan situacion? Ĉu vi ne povas financi vian veturadon al Quezon-urbo sola? Filipina Esperanto-Junularo, kun la malavara financa subteno de Tutmonda Esperantista Junulara Organizo (TEJO), lanĉas specialan stipendion por realigi vian partoprenon en la evento!

Se vi estas elektita por ricevi la stipendion, vi povas:

• ricevi 50, 75, aŭ 100-elcentan repagon de viaj vojaĝkostoj per la plej malmultekosta maniero por vojaĝi inter via hejmurbo kaj Quezon-urbo; kaj
• partopreni en la eventon sen pagi la aliĝkotizon.

Aliaj kostoj kiel vojaĝasekuro aŭ poŝmono ne estos kovrita de la stipendio. Se vi bezonas loĝadon antaŭ aŭ post la evento, ni povas helpi vin serĉante la plej malmultekostan eblon.

Por povi esti elektita al la stipendio, vi devas,  je la momento de kandidatiĝo:

• aĝi inter 18 kaj 35 jarojn
• esti filipina civitano kaj loĝi en Filipinoj;
• esti individua membro de Filipina Esperanto-Junularo por la jaro 2024; kaj
• regi bazan (KER A1-A2) parolkapablon en Esperanto, pritaksotan per intervjuo.

Ekzistaj aldonaj, favoraj kondiĉoj kiuj povas helpi vian kandidatiĝon (sed ne estas nepraj):

• regi meznivelan aŭ altnivelan parolkapablon en Esperanto (CEFR B1 aŭ pli);
• loĝi ekster la Nacia Ĉefurba Regiono (NCR)*;
• esti studento aŭ laborserĉanto;
• esti individua membro de TEJO en 2024; kaj 
• havi konatan historion de aktivado en FEJ aŭ partopreno en ĝiaj pasintaj eventoj. 

*Loĝantoj de ĉi tiu regiono ricevos malpli altan prioritaton por elektiĝo. Ĉiukaze, la elekta komisiono pritraktos ĉiun kandidatiĝon laŭ ties propra merito.

Se vi estas elektita, vi devas plenumi la jenajn kondiĉojn por efektive ricevi la stipendion: 

• subteni la Organizan Teamon per plenumo de taskoj antaŭ, dum, kaj post FAJRO 2024;
• proponi programeron dum la evento: prelego, ludo, ateliero, ktp.
• helpi en la post-eventa informado pri la evento per verkado de artikolo, partopreno en intervjuo, publikigo de filmeto aŭ socireteja afiŝo, ktp.

Konsciu pri la jenaj datoj:

• 27 majo: Komenco de la kandidatiĝperiodo
• 30 junio: Limdato por kandidatiĝi
• 01-05 julio: Intervjuoj kaj decidperiodo
• 20 junio: Anonco pri elektitaj kandidatoj
• 27 julio: FAJRO 2024
• 19 aŭgusto: Limdato por posteventaj kontribuoj kaj repago

Ĉu vi havas demandon? Sentu vin libera paroli kun la organiza teamo aŭ skribu al ni per retmesaĝo aŭ plenigante la kontakto-formularon.