Marku viajn kalendarojn!

FAJRO 2024 okazos sub la eventa temo: "Revigligi Esperanton en Filipinoj."

Parto de la programo estos dediĉita al la esplorado pri diversaj manieroj plifortigi kaj plivastigi la Esperanto-komunumon en la lando, speciale post kiam ĝi estis severe limigita de la kronvirusa pandemio kaj aliaj internaj kaj eksteraj faktoroj. Ni debatos pri novaj sed realismaj strategioj por faciligi al filipinanoj la malkovron kaj lernadon de Esperanto kaj la enĝaĝiĝon en la tutmonda junulara komunumo.

La fina programo nun haveblas! Vizitu ĉi tiun paĝon por malkovri la plenan programtabelon de FAJRO 2024.

La programo estos plena de aktivaĵoj proponitaj de membroj de la filipina Esperanto-komunumo. Vi povas sperti atelierojn, prelegojn, ludojn ktp. Ludante ricevu la ŝancon gajni tre ekscitajn premiojn! 

Ni ankaŭ invitas vin aŭskulti la kulturan prezenton de Jubert Cabrezos, nian lokan Esperanto-poeton, kiu laŭtlegos sian Esperantan poemaron.

Excelspace

2/F, 335 Quirino Highway, Quezon City, Metro Manila (Guglo-Mapoj) 

FAJRO 2024 okazos en Excelspace, kunlabora spaco kaj kafejo kiu troviĝas en la nordorienta parto de la urbo Quezon. Ĝi ne nur estas pura, komforta kaj klimatizita, sed partoprenantoj ankaŭ havos aliron al senlimaj kafo, teo, kaj suko, rapida interreta konekto, elektringoj, kaj aliaj aferoj! Vidu la fotojn pli sube por vidi kiel ĝi aspektas.

Legu ĉi tiun dosieron por vidi diversajn opciojn per publika transporto al Excelspace.

La ĉefa laborlingvo de la evento estas Esperanto, kvankam ĝi estos malfermita al ĉiuj sendepende de iliaj lingvoniveloj. Ni rekonas ke ankoraŭ ne ĉiuj partoprenantoj bone parolas Esperanton, tial krokodilado estos permesita kaj la angla kaj la filipina lingvoj povos esti uzitaj je ajna momento laŭnecese.

La evento estos malfermita al unuopuloj de ĉiuj aĝoj kiuj parolas aŭ lernas Esperanton. Lokoj estas limigitaj kaj aliĝantoj estos akceptitaj laŭ kronologia ordo ĝis ĉiuj lokoj estos okupitaj. 

Niaj individuaj membroj en 2024 ricevos rabaton de ₱100, tial ni forte kuraĝigas ke vi aliĝu aŭ remembriĝu por disponi ĉi tiun rabaton (krom aliajn avantaĝojn por membroj).

Fiksitaj aliĝkotizoj estas jenaj:

Ordinara Kotizo (Membroj) - ₱ 400.00

Studenta Kotizo* (Membroj) - ₱ 350.00

Ordinara Kotizo (Ĉiuj nemembroj) - ₱ 500.00

Eksterlandanoj (Neloĝantoj) - ₱ 630.00 / € 10.00

Via aliĝkotizo inkluzivas aliron al la evento, la eventa sako, senlimaj trinkaĵoj kaj manĝetaĵoj, kaj tagmanĝo. Ĝi estas neredonebla sed transdonebla. 

*Rabato aplikiĝas al studentoj de bakalaŭraj studoj aŭ malpli altaj studniveloj. Prezentu validan student-identigilon ĉe la akceptejo je alveno.

Ni forte rekomendas ke vi antaŭpagu por ĝui rapidan akcepton dum la evento. Vi povas pagi per la jenaj metodoj:

Banka ĝiro 

BDO Unibank Inc. 

(Skanu QR-kodon)

Kontonomo: Albert Stalin Garrido

Kontnumero: 005350261895

Poŝtelefona Numero: 09682279145

Priskribo: FAJRO 2024 Reg [VIA NOMO]

Landbank of the Philippines 

(Skanu QR-kodon)

Kontonomo: Albert Stalin Garrido

Kontnumero: 3077106196

Poŝtelefona Numero: +34666851879

Priskribo: FAJRO 2024 Reg [VIA NOMO]

GCash 

(Skanu QR-Kodon)

Albert Stalin Garrido

09627411963 

Priskribo: FAJRO 2024 Reg [VIA NOMO]

Per UEA-konto (nur por pagoj en eŭroj)

UEA-kodo: phej-d

GRAVA ATENTIGO: Kiam vi pagas uzante ajnan el la du metodoj ĉi-supraj, ĉiam samtempe sendu al info@esperanto-ph.org pruvilon de pago.

Ankaŭ eblas pagi kontante al la akceptejo dum la evento se necese.

Sentu vin libera kontakti la organizan teamon per retpoŝto aŭ uzante la kontakto-formularon. Membroj povas rekte paroli kun ni per la babilgrupoj de la organizo.